Ковачевски ги испрати фудбалерите и им вети премија од 500.000 евра | ФОТО

Премиерот на Македонија, Димитар Ковачевски пред заминување на македонската фудбалска репрезентација за Порто, се појави во авионот на националниот тим за да им посака среќа и ги испрати фудбалските херои на завршната битка кон пласманот на Светското првенство, во вторник против Португалија од 20.45 часот.

Ковачевски пред заминување влезе во авионот на фудбалерите и им вети премија од половина милион евра, како дополнителна мотивација за пресметката со фаворизираните Португалци.

„Вие сте најсветлата точка на Македонија во моментов, цела Македонија ве чека на плоштад, а владата со драго срце ќе издвои награда од 500.000 евра за пласманот во Катар. И ова досега е успех, не знам како, но победете ги Португалците. Знам дека можете“, им се обратил Ковачевски на фудбалерите.

Владата на Македонија на фудбалерите им даде иста ваква награда пред година ипол кога Макеоднија во Тбилиси успеа да победи и да го завери првиот историски настап на едно големо натпреварување, Европското првенство на кое ланското лето дебитиравме.