Ковачевски: Мицкоски не побара лидерска средба за решавање на проблемите, туку со цел да се договори датум за избори
Димитар Ковачевски во вечерашното гостување во Тема на денот во Дневникот на Сител рече дека лидерската средба од страна на Христијан Мицкоски не беше побарана за решавање на проблемите, туку со цел како некаква уцена да се седне и да се договори датум за предвремени избори. Ние како владејачко мнозинство одговоривме дека имаме легитимна влада која успешно се справува со кризите и на која не ѝ се потребни избори.
Тој додаде дека Владата е стабилна и дека успешно се справува со сите предизвици предизвикани од здравствената, енергетската, како и кризата со растот на цените на светските берзи.
„Изборите се период кога замира економската активност и сите процеси се насочуваат кон организирање избори. Тоа ќе биде дополнителен товар за македонската економија кој не ѝ е потребен“ рече Ковачевски.
Премиерот додаде дека Владата од самото нејзино избирање сите важни одлуки ги носи преку дијалог со сите засегнати страни и дека опозицијата е повикана да учествува во сите важни процеси.
Ново на Сител
-
Преглед на вестите од светот
-
Јаневска: Можно е враќање на старата концепција за основно образование
-
Приватните превозници ќе ги паркираат автобусите
-
Судскиот совет смета дека распуштањето не е добар чекор
-
Мизрахи: Укинувањето на економските директори го укина дуализмот во здравството
-
Чибишев: 18 луѓе незаконски работеле работеле на Токсикологија
-
Повторно отворена подрачната канцеларија на МЗШВ во струмичко
-
Пациентите со механичка поддршка на срцето бараат поголем ангажман од државата