Ковачки: И доколку Заев се повлече и стави своја марионета на престолот, нема да се подобри владеењето

Не очекувам да СДСМ со новото раководство во иднина да има промени во функционирањето, изјави вечерва во Тема на денот на Сител пратеникот на ВМРО-ДПМНЕ, Драган Ковачки.

- Во партијата можат да прават што сакаат, тоа нас не не интересира, меѓутоа на државно ниво тоа и те како не интересира. Доколку Заев се повлече и стави свој човек, односно своја марионета на тој престол, мислам дека нема да се подобри владеењето ниту пак животот на граѓаните затоа што во моментов ја имаме првата постава на СДСМ која владее со Македонија и ја доведе во оваа состојба во која се наоѓаме, рече Ковачки.