-->
-->
Крива Паланка ги додели годинешните стипендии за талентирани ученици
-->
Девет талентирани ученици од Крива Паланка се добитници на годинашните стипендии кои ги доделува локалната самоуправа на општина Крива Паланка.
Комисијата за спроведување постапки за доделување стипендии одлучи пет средношколци и четири студенти од општината кои учат и студираат во училиштата и факултетите во Република Македонија да ги добијат стипендиите за учебната/студиската 2015/2016.
Стипендијата е во висина од 3.000 денари месечно, а право на стипендија остварија кандидатите кои ги исполниле пропишаните критериуми, во досегашното школување да имаат континуиран одличен успех, студентите кои постигнале просечен успех над 8,50 и имаат освоено награди за поединечно прбво, второ или трето место на меѓународни, државни или општински натпревари од областа на науката, техниката, културата, уметност и спортот, односно област соодветна на нивното образование.
Исто така, при рангирањето на кандидатите земани се предвид и месечните примања по член на семејство во однос на просечно исплатена месечна нето плата по вработен во Република Македонија.
Основен услов е кандидатите да се жители на општина Крива Паланка, да се државјани на Република Македонија и да се редовни ученици/студенти, како и да немаат повторувано година и да не се корисници на стипендија или кредит од други установи, институции или компании, а студентите да не се постари од 25 години.
-->
-->
-->
Ново на Сител
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка