Кривична пријава за Кичевчанец, нападнал адвокат во судница во Дебар

Дебарското Одделение за внатрешни работи поднесе кривична пријава против жител на Кичево поради напад врз адвокат во судница во Дебар.

Според Стефан Димоски, портпарол на Секторот за внатрешни работи-Охрид, кривична пријава е поднесена против И.Ф.(49) од Кичево, поради постоење основи на сомнение за сторено кривично дело „насилство“.

Тој, на 9 овој месец во 10:38 часот, за време на рочиште во судница при Основниот суд во Дебар, физички го нападнал М.Д., адвокат од Гостивар. 

МИА