Лајчак денеска во Приштина, Курти ја потврди средбата
Посредникот на Европската унија во преговорите меѓу Косово и Србија, Мирослав Лајчак се очекува денеска да допатува во официјална посета на Косово, каде што, меѓу другото, ќе се сретне со лидерот на партијата Движење Самоопределување (ВВ), Албин Курти, јави дописникот на МИА од Приштина.
Иформацијата дека ќе се сретне со словачкиот дипломат ја потврди самиот Курти, кој се очекува да биде иден премиер на Косово, по убедливата победа на неговата партија на вонредните парламентарни избори на 14 февруари.
– Колку што ми е познато, во агендата ја имаме и средбата со Лајчак, така што можам да кажам дека ќе биде, изјави кратко лидерот на ВВ за РТВ Беса.
Курти по изборната победа, на која ВВ освои 47.85 отсто од гласовите, изјави дека за Владата што тој ќе ја формира дијалогот со Белград, иако е значајно прашање, нема да биде меѓу првите шест или седум приоритети. Подоцна рече дека сепак преговорите со Србија се четврти или петти приоритет, што беше поздравено од Брисел како охрабрувачка најава.
Лајчак ќе престојува во Косово до среда, 3 март, кога ќе отпатува за Белград, каде што е најавена средба со српскиот претседател Александар Вучиќ. Утредента, на 4 март, во рамки на мандатот и како претставник на ЕУ за земјите од Западен Балкан, ќе отпатува во Црна Гора, по што на 5 март ќе ја заврши посетата на трите земји од регионот.
Според соопштението од Канцеларијата на ЕУ во Приштина, Лајчак планира да се сретне со политичките лидери на трите партнери од Западен Балкан, како и со претставници на Унијата на терен.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници