Лајтнер: Ќе мора да изградиме „тврдина Европа“

Австриска министерка за внатрешни работи Јохана Микл-Лајтнер, при посетата на граничниот премин Шиплфелд, преку кој овие денови од Словенија доаѓаат илјадници бегалци секојдневно во Австрија, порача дека ако состојбата не се стави под контрола, ќе биде неопходно да се изгради „тврдина Европа“, јави Танјуг.

Според неа, ќе биде неопходно да се восппстават т.н. „жешки точки“ за регистрација на надворешните граници на ЕУ и да се договори распределба на бегалците.

- Без подобра заштита на надворешните граници на ЕУ не е можно, среднорочно, ситуацијата да се стави под контрола, рече министерката.

Австриската војска, поради растечкиот бран бегалци од Словенија, го зголеми бројот на свои припадници за сто војници, така што 600 војници ќе и помагаат на полицијата во надзорот и чувањето на државните граници.