Лани изградени над 4.000 станови

Во текот на минатата година се градени вкупно 2.209 објекти, а завршени се вкупно 3.437 станови изградени од деловни субјекти, а во индивидуална режија се изградени 1.717 објекти и завршени се 1999 станови, објави Државниот завод за статистика.

Според податоците на Државниот завод за статистика, во 2018 година, деловните субјекти кои се занимаваат со градежна дејност извршиле градежни работи во вредност од 29.320.988 илјади денари. Од нив, 11. 527.868 илјади денари се за објекти во индивидуална сопственост.

Изградените 3.437 станови се со вкупна површина од 227.797 м², од коишто 3.413 се во индивидуална сопственост.

Просечната корисна површина на завршените станови е 66,3 м².

Кај објектите изградени во иднивидуална режија вкупната површина на 1999-те станови изнесува 233.015 м2, од коишто 113 се станови во викенд куќи со вкупна површина од 8.944 м².

Вредноста на извршените градежни работи е 8.216.669 илјади денари.

Просечната корисна површина на завршените станови е 116,6 м².

Во текот на минатата година најмногу се градело во скопскиот регион, потоа во Полошкиот, во Југозападниот и источниот.