Лазаров оптимист пред дуелите со Естонија и Литванија

Секогаш сум оптимист, таков бев и како играч, таков сум и сега како тренер. Но сум и претпазлив, мора да бидам таков поради проблемите со повреди кои ги имаме.

Ова го изјави селекторот на ракометната репрезентација на Македонија, Кирил Лазаров кој даде изјава за медиумите пред последните два дуели од квалификациите за Европското првенство кое ќе се игра во јануари 2026 година.

- Периодот е краток. немаме право на грешка, очекувам два психолошки тешки натпревари. Верувам во тимот и во екипата дека ќе одговорат со вистинско лице, голем дел од играчите кои се повикани знаат какви се овие квалификациски натпревари и знаат како е да немаш право на грешка. Сакам да ја видам нивната реакција, а и на новите играчи кои се тука. Се надевам дека ќе одговориме на предизвикот, изјави Лазаров.