Лазаров уште една година во Нант, а потоа ќе биде тренер
Уште една година и толку. Таков е планот на иконата на нашиот ракомет Кире Лазаров. Тој во мега – интервјуто за хрватскиот “Вечерњи лист“, кажа дека ќе игра ракомет уште една година, ќе го одработи договорот со Нант, а потоа ќе се пензионира. Секако дека има намера да остане во овој спорт и натаму, веројатно како тренер.
“Ќе играм уште една година и мислам дека тоа ќе биде крај. Нема веќе смисла. Додека играм во Нант, секако дека ќе играм и за мојата репрезентација“ рече Лазаров, истото што го кажа и во интервјуто за СПОРТМЕДИА, дека се додека е активен има намера да и помогне на нашата ракометна селекција.
“ По крајот на мојата играчка кариера, имам намера да бидам тренер. Којзнае, можеби за десет години повторно ќе дојдам во Загреб, но сега како тренер на тој тим“.
За тоа дека сега добива шанса со Нант играјќи во следната сезона во ЛШ, да го зголеми својот скор на постигнати голови, а застана на 1.332, за хрватскиот медиум потенцираше…
“Горд сум на самиот себе, но и на играчите со кои играв, како и со тренерите со кои соработував. Никогаш не сонував дека ќе постигнам толку голови. Сега е лесно да се зборува за тие голови, но тие требаше да се постигнат. Имав среќа што немав некои посериозни повреди, што имав некоја константа во моите настапи“ рече најдобриот ракометар во историјата на Македонија.
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција