Ле Дриан: ЕУ ќе воведе санкции кон Москва
Европската унија ќе воведе санкции кон Москва по „неприфатливиот“ влез на руските војници во регионот Донбас во Украина, изјави денеска францускиот министер за надворешни работи Жан-Ив Ле Дриан.
„Очигледно е дека ќе иницираме санкции“, рече Ле Дриан пред состанокот на европските министри за надворешни работи во Париз.
Според него, „тоа е кршење на меѓународното право“.
„Тоа е напад на суверенитетот и интегритетот на Украина, Русија се откажува од своите меѓународни обврски и договорите од Минск што ги потпиша“, рече Ле Дриан.
Тој истакна дека „ситуацијата е многу сериозна“.
Ле Дриан додаде дека европските лидери треба да пренесат три пораки – да заземат цврст став против дејствијата на Русија, да покажат солидарност со Украина и да покажат единство во Европа.
Ново на Сител
-
Митрески: Борбата за работничките права не престанува никогаш
-
Хотелиерите очекуваат одлична туристичка сезона, исполнетоста за празниците повеќе од половина
-
Одбележување на Меѓународниот ден на трудот ширум светот
-
Денеска е Велика среда
-
ЦУК апелира до граѓаните на внимателност при палење оган на отворено
-
Меѓународниот ден на трудот ќе се одбележи со првомајски протест
-
Една недела до одржување на изборите, партиите продолжуваат со предизборните активности
-
Зградата на ЕК осветлена во чест на 20-годишнината од големото проширување на ЕУ