Леклер се надева дека ќе научи многу од Хамилтон откако Британецот ќе дојде во Ферари
Возачот на Ферари, Шарл Леклер, е уверен дека седумкратниот светски шампион Луис Хамилтон може да му помогне на италијанскиот тим следната година.
Британскиот возач ќе се приклучи на Скудерија од сезоната 2025 година, каде што ќе го замени Шпанецот Карлос Сајнц.
-Мислам дека доведувањето шампион како Луис во кој било тим дава голема мотивација за секој човек во тимот. Ова ќе биде првиот позитивен ефект што ќе го има врз Ферари. Очигледно ќе дојде и со целото искуство што го стекна со години во Мерцедес, поинаков начин на работа, поинаква визија, изјави Леклер за „GPblog“.
Моначанецот исто така изјави дека ќе добие големо задоволство од настапите со Хамилтон во истиот тим.
-Најуспешниот возач во историјата на Формула 1 ќе седне во еден од нашите болиди. Ќе ми биде исклучително интересно да учам од еден од најдобрите, но ќе биде и голем предизвик и мотив да го победам Луис и да покажам што можам, додаде тој.
Хамилтон е првиот спортист во историјата на Формула 1 кој постигнал 100 победи. Досега има 105 Гран при победи.
Сезонава 39-годишниот Британец со 150 бодови го зазема 6. место во поредокот кај возачите.
Ново на Сител
-
Краен рок за промена на возачките дозволи со старото уставно име е 31 декември, граѓаните да ги заменат навреме
-
Втор „обид за убиство“ врз Трамп во рок од два месеца
-
Најмалку осум загинати во поплавите во Европа
-
Бројот на загинати во Виетнам од тајфунот Јаги се искачи на 281
-
Се чека одлука за есенска потрошувачка кошница со пониски цени
-
КИНСИВ во М-НАВ ќе го истражува безбедносниот настан на небото над Скопје од 7 септември
-
Бугарскиот амбасадор Желјаско Радуков на разговор во МНР
-
Деветте нови лекови на позитивната листа од денеска во аптеките