Летниот сонцестој кај Стоунхенџ во живо на Фејсбук на 21 јуни
Познатата Прослава на летниот сонцестој кај Стоунхенџ, годинава нема да се одржи поради забраната за големи собири воведена поради пандемијата на коронавирусот.
Организацијата Британско наследство, која управува со древното наоѓалиште, сепак, се погрижи сите заинтересирани да уживаат во изгрејсонцето во живо пренесувано на повеќе интернет-канали.
„Заради безбедноста и добробита на сите нас, моравме да ја откажеме годинашната Прослава на летниот сонцестој кај Стоунхенџ. Знаеме дека ова е посебна пригода за многумина од вас, па решивме да го пренесуваме тоа во живо“ објави организацијата на Фејсбук.
Тоа ќе се случи на 21 јуни. Од своите почетоци, овие древни објекти се поврзувале со летните и зимските сонцестои на северната Земјина полутопка. Собирањето на Стоунхенџ е вековна традиција. Секоја година, околу 10.000 луѓе се собираат тука за да го одбележат најдолгиот ден во годината.
Стоунхенџ се најде на списокот nа светско наследство на УНЕСКО уште во 1986 година.
Ова не е првпат летниот сонцестој да се емитува на Интернет. Минатата година, Британско наследство ја создаде интернет-страницата „Стоунхенџ скајскејп“, каде што луѓето од цел свет можат да ја гледаат и доживеат оваа уникатна појава.
Летниот сонцестој над Стоунхенџ ќе се емитува во живо и на Фејсбук-страницата на организацијата.
Познатотo мегалитскo наоѓалиште се состои од огромни камени блокови, но нема единствена структура. „Вратите“ биле уривани и повторно градени со векови, а најраната фаза на градба, според археолозите, се случила околу 2900 година п.н.е. Од првичните 30 исправени столбови, денес се зачувани само 17, со шест таканаречени „надвратници“.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп