Локализиран пожарот во општина Старо Нагоричане
Пожарот во општина Старо Нагоричане, во селата Челопек и Алгуња е локализиран, соопштија денеска надлежните од Територијалната противпожарна единица Старо Нагоричане. На пожарот, како што соопшти командирот на ТППЕ Старо Нагоричане, Далибор Трајковски интервенираа две противпожарни возила и седум пожарникари од Старо Нагоричане, 30 припадници на Армијата и екипа на ЈП „Национални Шуми“ со нивно возило.
- Очекуваме во наредните часови пожарот да биде изгаснат. Зафатена беше нискостеблеста шума, грмушки и ниска вегетација и помала површина на бел бор, изјави Трајковски.
Пожарот, како што претходно соопшти ЦУК, избувнал вчера околу пладне во атарот на двете села. При гаснењето вчера учествуваа повеќе екипи, три возила од Старо Нагоричане со осум пожарникари, ТППЕ Куманово со едно возило и три пожарникари, едно возило и екипа на „Национални шуми“, локални жители, а утрово во гаснењето на пожарот бил вклучен и хеликоптер на МВР.
В.д. директорката на кумановската подружница на „Национални шуми“ - Куманово Катица Станковска Ристовска информираше дека пожарот избувнал вчера во месноста „Челопечка Кула“.
- Испративме возило кое веднаш беше достапно за помош. Вчера покрај пожарникарите од Старо Нагоричане и Куманово учествуваше и наша екипа. И денеска се гаси пожарот, се надеваме дека до крајот на денот ќе биде целосно изгаснат, изјави Станковска Ристовска.
Вчера на терен бил и заменик генералениот директор на ЈП „Национални шуми“ Кире Михаилов со надлежните од кумановската подружница.
Ново на Сител
-
Невакцинираните деца од Долно Коњаре ќе се повикуваат на вакцинација против морбили
-
Свечено прославен празникот Света Мајка Тереза и 25 години од епископската хиротонија на монсињор Стојанов
-
Повредил дете кое фрлало со камења по неговото куче - Кривична за 67-годишник
-
Гаши на приемот по повод 8 Септември: Сме имале моменти кога сме биле разочарани, но сме создавале можности да продолжиме понатаму
-
Скопје: Таксист нападнал и ограбил татко и ќерка од Турција
-
Пожарот во Мариово не стивнува, нема опасност за верските објекти
-
ЈСП: Неделен возен ред в сабота и понеделник
-
Од полноќ се намалува цената на Еуросупер БС-95