Ловчански митрополит Гаврил: На македонската црква треба да и помогнеме мудро
На Македонската православна црква треба да и помогнеме мудро, без повторно да влеземе во раскол. Ова го изјави Ловчанскиот митрополит Гаврил, кој беше гостин на Велики петок на бугарската приватна телевизија БТВ.
- Ние можеме да се заложиме да биде отфрлен расколот од Македонската црква. Сами ние не можеме да го тргнеме расколот бидејќи тоа нема да биде признато. Од тоа нема да има смисла бидејќи и ние ќе влеземе во раскол и никогаш нема да можеме да им помогнеме. Ние сме биле 70 години во раскол, а тие се 50 години, рече Ловчанскиот митрополит Гаврил.
Западно и Средноевропскиот митрополит Антониј пак за Бугарското национално радио изјави дека преговорите за признавање на македонската црква од Бугарската патријаршија се уште се во почетна фаза.
- Мислам дека ова е почеток на добар дијалог - со честичката од благодатниот оган, смета митрополитот Антониј.
Најмладиот бугарски митрополит истакнал дека Неговото Високопреосвештенство определило да се донесе честичка од Благодатниот оган од Ерусалим во Бугарија, кој ќе биде пренесен во целата земја и во Македонија.
Митрополитот посочил дека досега Македонската православна црква го земала огнот од грчката и оти првпат оваа година ќе го добие од Бугарската православна црква.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект