ЛШ: Први осминафинални дуели

По двомесечна пауза вечер продолжуваат возбудувањата во Лигата на шампионите на УЕФА. На програмата се првите два натпревара од нок-аут рундата, ПСЖ - Челзи и Бенфика - Зенит.

 

ПСЖ и Челзи, веќе трета сезона, се среќаваат во елиминациона фаза од елитното натпреварување. Пред две сезони Челзи беше поуспешен, додека минатата сезона, францускиот шампион продолжи понатаму.

 

Според игрите и пласманот во националните шампионати ПСЖ е фаворит на овој двомеч, иако со доаѓањето на Гус Хидинк сините од Лондон се наоѓаат во нешто подобра форма од претходно.

 

Се очекува интересно да биде и во Лисабон каде Бенфика игра со Зенит, тим кој заедно со Баерн Минхен и Реал Мадрид имаше пет победи на шесте дуели во групната фаза.

 

Двата натпревара почнуваат во 20 часот и 45 минути.

 

За утре се закажани средбите Гент – Волфсбург и Рома – Реал Мадрид. 

 

Другите двојки за осминафиналето се: Арсенал – Барселона, Јувентус – Баерн Минхен (23 февруари), ПСВ – Атлетико Мадрид и Динамо Киев – Манчестер Сити (24 февруари).