-->
-->
ЛШ:Првата битка за Атлетико
-->
Атлетико Мадрид го совлада Баерн Минхен со 1:0, во полуфиналето во Лигата на шампионите. Дуелот на „Винсенте Калдерон“ го реши Саул Нигез во 11.минута.
Пеп Гвардиола реши да се коцка во Мадрид и веројатно тој негов хазардески потег го одведе во пораз, иако Баерн во второто полувреме пропушти можност да остане непоразен.
Баерн мечот го започна без Милер и Рибери кои добија шанса во второто полувреме. Без Милер како партнер во нападот дефанзивците на Атлетико лесно го изолираа Левандовски.
Атлетико подобро влезе во мечот, Торез и Гризман го тестираа Нојер во првите шест минути.
По само 11.минути игра се случи решавчкиот момент, Саул Нигез тргна во вистински слалом, нанижа тројца играчи на Баерн, влезе во шеснаесетникот и со прецизен удар го совлада Нојер.
Очекувано Баерн го имаше поседот на топката, но во првото полувреме анемочно делуваа нападите на Баварците.
Гризман можеше да ја зголеми предноста на Атлетико по половина час, тој влезе во шеснасетникот на Баерн, се обиде да ја префрли топката на посилната лева нога, Хави Мартинез влезе во блок, па ударот успеа да го одбрани голманот на Баерн.
Германскиот шампион сосема поинаку изгледаше во вториот дел, со сите сили тргна напред, Алаба во 54.минута испрати виситнски прокетил од 30 метри, но ударот заврши во гредата.
Две минути подоцна по корнерот на Алонсо, Хави Мартинез беше осамен во петерецот но Облак го одбрани неговиот обид.
Словенецот бше сигурен и по обидот на Артуро Видал во 67.минута.
Атлетико на 20-тима минути до крајот за момент успеа да дојде до здив, да се ослободи од притисокот, а во 75.минута стативата го спаси Нојер.
Гризман и Торес креираа опасен контранапад, Французинот успеа да ја изнесе топката од својата половина, во вистински момент го проигра Торез, овој се ослободи од Алаба упати удар со надоверешниот дел од стапалото, но за негова несреќа ја погоди само стативата. Во продолжение на акцијата се обиде Коке но неговиот удар лесно го одбрани германскиот репрезентативен голман.
Инаку еден од јунаците на Атлетико голманот Облак го одигра својот 23-ти натпревар сезонава на кој не прими гол.
Реваншот во Минхен, по кој ќе биде познат патникот во Милано ќе се одигра наредниот вторник.
-->
-->
-->
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата