Луѓето јаделе маслинки и пред 6.600 години
Израелски научници тврдат дека пронашле докази дека луѓето почнале да јадат маслинки 4.000 години порано отколку што се сметаше досега.
При подводни истражувања, научници од Универзитетот во Хаифа пронајдоа две овални камени структури и илјадници семки од маслинки, повеќето – добро сочувани. Тие биле пронајдени на местото Хишулеи Кармел близу брегот на Хаифа. Наоѓалиштето е старо околу 6.600 години.
– Новото откритие го надополнува синџирот на употреба на маслинови дрвја, кои првично се користеле за горење, а потоа, пред околу 7.000 години луѓето почнале со цедење маслиново масло, а потоа прешле и на употреба на овошките како храна, објаснува одговорниот за истражувањата, Ехуд Галили.
Во научниот труд учествуваа археолози и ботаничари од 11 истражувачки институции од Израел и други земји. Не се пронајдени други докази за производство на маслиново масло.
Според истражувачите, крајбрежјето ги содржи сите важни предуслови за солени маслинки – морска вода и сол.
Ново на Сител
-
Токсикологија поплавена, Клиниката два месеци не е осигурана
-
Струшкиот градоначалник Рамиз Мерко не се појави на суд
-
Судскиот Совет ги спроведува препораките на оценската мисија на ЕУ
-
Учениците возбудени за пролетниот распуст
-
Преглед на вестите од светот
-
Опозицијата планира коалиции – власта сака да ја намали разликата
-
ВМРО-ДПМНЕ побара поголема излезност на изборите за да се спречат црни сценарија
-
СДСМ: Нема откажување