Луис Ван Гал: Четвртото место сега е реално

Тренерот на Манчестер Јунајтед, Луис ван Гал смета дека неговата екипа има големи шанси да го освои четвртото место во Премиер лигата, а со тоа и да обезбеди пласман во квалификациите за Лигата на шампионите следната сезона.

По победата над градскиот ривал Манчестер Сити со 1:0 на дуелот одигран вчера, екипата на Манчестер Јунајтед сега е на шестото место на табелата со 50 бодови, и има само еден помалку од Сити кој е четврто рангиран.

- Беше многу тешко. Доколку одигравме нерешено или загубевме, заостанувањето ќе беше многу големо. Сега, целата работа е во наши раце, мора да победуваме. Распоредот е на наша страна. Имаме повеќе натпревари на домешен терен отколку на гости, а на „Олд Трафорд“ тешко губиме бодови. Мислам дека имаме големи шанси за место кое не води во Лигата на шампиони, изјави Ван Гал за британската телевизија Би-Би-Си.

Популарните „црвени ѓаволи“ до крајот на сезоната во Премиер лигата, имаат поволен распоред, па од осумте дури пет натпревари ќе ги играат на домашен и тоа против: Евертон, Астон Вила, Кристал Палас, Лестер и Бормунд во последното коло. Покрај тешките гостувања во Лондон кај Тотенхем и вест Хем во претпоследната рунда ќе гостуваат и кај Норвич Сити.