Македонија и Германија ќе се прошируваат соработката во одбраната низ нови форми
Началникот на ГШ на АРМ генерал-потполковник Методија Величковски денеска оствари протоколарна средба со амбасадорката на СР Германија во Република Македонија, Кристине Алтхаузер.
Генералот Величковски искажал благодарност до СР.Германија за поддршката за евроатланската интеграција на Република Македонија, како и за заложбата за прием на нашата држава во НАТО.
Како што денеска соопшти МО, началникот на ГШ на АРМ Величковски ја истакнал одличната меѓуармиска соработка помеѓу АРМ и германскиот Бундесвер, каде во високите воено-образовни институции се школувале над 150 припадници на АРМ, како и за извршувањето на задачите на припадниците на АРМ заедно со припадниците на германскиот Бундесвер, на северот од Авганистан во состав на регионалната команда во Мазар Ел Шариф.
Амбасадорката Алтхаузер нагласила дека соработката во областа на одбраната е од исклучителна важност за двете држави и оти во иднина таа ќе се проширува низ нови форми, при што уште еднаш беше потврдена поддршката за членство на Република Македонија во НАТО и ЕУ.
На денешната средба на началникот на ГШ на АРМ Методија Величковски и амбасадорката Алтхаузер бил присутен и одбранбеното аташе на СР Германија за Република Македонија, потполковник Гвидо Алтендорф кој оваа функција ја обавува од Тирана.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија