Македонски гејмер стана светски вицешампион во Дота 2
Македонецот Мартин Саздов, во светот на гејмингот познат како „Сакса“, го направи најголемиот успех во историјата на македонскиот гејминг и тоа на најважниот и најголемиот турнир на играта Дота 2.
Саздов и неговиот тим „Digital Chaos“ стигнаа до големото финале на „The International“ турнирот во Сиетл каде утринава загубија со 3:1 од тимот „Wings“, но и второто место е неверојатен успех за интернационалниот тим кој во своите редови го регрутираше и Саздов. Неговите четворица колеги доаѓаат од САД, Данска, Романија и Украина, а на главниот турнир пристигнаа како американски претставник.
За значењето на турнирот и популарноста на играта Дота 2 на глобално ниво доволен показател е дека наградниот фонд на годинешниот турнир надминуваше 20 милиони долари, победничкиот тим заработи, 9,1 милион долари, а Саздов и неговите колеги ќе бидат наградени со 3,4 милиони долари.
Екипите кои настапуваа во „ Ки Арена“ во Сиетл мораа да ги минат регионалните квалификации пред да стигнат на најважниот е-спорт турнир во глобални рамки, а Саздов кој доаѓа од Свети Николе е првиот Македонец кој не само што дебитираше на ваков настан, туку во првиот настап го освои второто место.
Извор: Дерби
Ново на Сител
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот