Макрон го повика Нетанјаху успешно да ги заврши преговорите со Хамас
Францускиот претседател Емануел Макрон денеска го охрабри израелскиот премиер Бенјамин Нетанјаху да ги „доведе до успешен завршеток“ преговорите кои моментално се водат со Хамас, чија цел е прекин на огнот во Газа и ослободување на заложниците на таа палестинска територија, соопшти Елисејската палата.
Макрон во телефонски разговор го охрабрил Нетанјаху да ги заврши преговорите кои би можеле да доведат до ослободување на заложниците, до заштита на цивилите преку прекин на огнот и до регионално смирување на тензиите, се додава во соопштението на француското претседателство.
Франција целосно ги поддржува тековните напори за посредување. Судбината на Палестинците во Газа повеќе не може да биде подложена на терористичките активности на Хамас и израелските операции мора да престанат, се вели во соопштението.
Макрон „го повтори своето цврсто противење на израелската офанзива на Рафа и ја истакна апсолутната итност да се гарантира влез на хуманитарна помош преку сите пристапни точки до Појасот Газа“, додава Елисејската палата.
Делегација на Хамас моментално е во Каиро на разговори за примирје, под покровителство на меѓународните посредници – Катар, Египет, САД.
Ново на Сител
-
Изменет сообраќаен режим на булеварот „Србија“ поради снимање филм
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието