Макрон во Париз организира средба на главните либиски играчи

Претседателот на Франција Емануел Макрон ќе организира утре во Париз средба меѓу двајцата главни учесници во либиската криза, претседателот на Владата на национално единство Фајез Сараџ и маршалот Халифа Хафтар, соопшти денеска француската администрација.

Со оваа иницијатива Франција има цел да го олесни постигнувањето политичко разбирање меѓу премиерот на Либија и командантот на националната армија во момент, кога новиот специјелан претставник на генералниот секретар на Обединетите нации, Гасан Саламе ја презема функцијата, се вели во соопштението на Елисејската палата.

- Заедно си сите свои партнери Франција планира да упати сигнал дека ги поддржува напорите за создавање политички компромис под покровителство на ОН, кој ќе ги обедини различните играчи во Либија, се вели во текстот.

- Целта е да се изгради држава способна за задоволување на основите потреби на Либијците, која ќе има редовна армија, обединета под власта на граѓанската влада, посочува Елисејската палата.