Манчевски и Стафансон разговараа за реформите во медиумската сфера
Министерот за информатичко општество и администрација Дамјан Манчевски денеска имаше работна средба со амбасадорот на Шведска во Македонија Матс Стафансон, на која разговарале за реформите во медиумската сфера, измените на Законот на аудио и аудиовизуелни медиумски услуги, како и за јавниот радиодифузен сервис.
Министерот Манчевски, како што информираат од неговиот кабинет, се осврнал на промените во начинот на финансирање на МРТ и на воведувањето на четврт канал, за малцинските заедници.
- МРТВ нема повеќе да биде доведена во состојба да бара дополнителна финансиска поддршка од Владата, како што беше тоа случај кога средствата собрани од радиодифузната такса не беа доволни. Ова ќе придонесе кон стабилно финансирање на МРТ, МРД и АВМУ, односно тие повеќе нема да зависат од процентот на наплата на радиодифузната такса. На овој начин МРТ повеќе нема да треба да одговара пред Владата, туку со својата програма одговара само пред Собранието, рекол Манчевски.
Амбасадорот Стафансон ги поздравил заложбите на МИОА за реформите кои ќе придонесат кон независен и силен јавен радиодифузен сервис.
Лажните вести беа уште една од темите за коишто се разговараше на денешната средба. Министерот Манчевски информирал дека предизвикот за справување со оваа појава на глобално ниво ќе биде и една од темите на Дигиталниот самит за земјите од Западен Балкан, што ќе се одржи на пролет следната година во Скопје.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп