Маричиќ: Граѓаните се против промена на Уставот поради стравот кој го сее опозицијата
Долгогодишната политика на сеење на страв која што ја практикува опозицијата е причината што граѓаните во моментов се против промена на Уставот, вели за Детектор, Вицепремиерот задолжен за европски прашања, Бојан Маричиќ. Тој додава дека пример за тоа е Преспанскиот договор кој според него и донел само придобивки на Македонија.
„За жал овие податоци според мене се дело или производ на долгогодишната политика на страв која што е промовирана од опозицијата, од Левица и ВМРО-ДПМНЕ, особено минатата година на која што се напластуваа сериозни слоеви на дезинформации, лажни информации и сеење страв кон граѓаните дека нам ќе ни се одземе идентитетот, дека ќе има некаква бугаризација, дека јазикот ќе ни биде одземен и дека со ова се прави кој знае што. Ние имавме многу слична атмосфера, можеби не волку заострена меѓутоа многу слична атмосфера поврзана и со Преспанскиот договор.
Дека тоа ќе биде обезличување на Македонија, дека тоа ќе биде крај на нашиот идентитет и дека тоа ќе биде предавање на државата, продавање на државата. Но денес ги гледаме придобивките. Иако и тогаш имаше протести и заострена атмосфера во Собранието, денеска ги гледаме придобивките. 4 години откако е усвоен, од него гледаме само позитивни придобивки“ – вели Маричиќ
Потенцира дека освен патот кон ЕУ Македонија нема друга алтернатива и политичарите се должни да ги реализираат стратешките интереси. Тоа ќе се постигне според него со заедничка работа преку која ќе им се објасни на граѓаните дека Македонија нема да го изгуби својот идентитет.
Ново на Сител
-
Роднини од Врапчиште туркале судија и не му дозволиле да изврши увид
-
Ѝ се заканил на судијка дека ќе ја убие, ОЈО поведе постапка
-
Во Дебар поставен транспарент „Албанците се понижуват до таму што се гази и крвта на паднатите борци! Врати се команданте, Али Ахмети!“
-
Заборави на рата, фиксирај со плата – Нов кредит до 300.000 денари во „ФЛЕКС КРЕДИТ“
-
Секое дете заслужува да расте со ЉУБОВ – хуманитарна кампања во НЕПТУН
-
Сител Телевизија вработува новинар во веб редакцијата
-
Електронско аплицирање за ученички стипендии до 15 октомври
-
Јаневска: Се разговара со синдикатот за повисоки плати на наставниците