Машко првото бебе родено во Гевгелија во 2016

Општина Гевгелија на истекот од четвртиот ден во новата година доби машко првороденче по кое се родија уште две бебиња, едно машко и едно женско.

Првороденото бебе на свет го донесе мајката Софија Крстева од населеното место Негорци, а нешто подоцна среќни мајки во гевгелиската болница станаа уште Мануела Руменовска од Богданци која роди машко и Љубица Ефтимова исто така од Богданци која роди женско бебе.

Градоначалникот на општина Гевгелија, Иван Франгов, по традиција ги посети среќните мајки во гинеколошкото одделение на општата болница за да им ги честита рожбите. Во таа прилика на мајката Софија Крстева од Негорци за првото бебе во новата година и врачи штедна книшка со 10.000 денари, а сите три новородени бебиња ги даруваше со бебешки колекции.