Меѓународна конференција „Еден Балкан кон ЕУ“
Предизвиците на земјите од Западниот Балкан со кои се соочуваат на патот на евроинтегративниот процес е главна тема на меѓународна конференција „Еден Балкан кон ЕУ“, што денеска ќе се одржи во Скопје во организација на повеќе невладини организации од регионот.
Домаќин на конференцијата е претседателот на СДСМ Зоран Заев, а ќе присуствуваат повеќе регионални лидери на социјал-демократски и либерални политички партии и европратеници.
На официјалното отворање, како што најавуваат организаторите, ќе се обратат Тања Фајон – словенечка европарламентарка од социјал-демократската група, Илхан Ќучук – европратеникот од либералната група АЛДЕ и известувач за Северна Македонија во ЕП и Тонино Пицула – хрватски европатеник од социјал-демократската група.
Конференцијата e завршен настан на регионалната едукативна младинска програма „Прогресивна политика во Западен Балкан – ПрогВеБ“ и е во организација на повеќе невладини организации од регионот: Прогрес – Институт за социјална демократија од Северна Македонија, Фондацијата „Борис Дивковиќ“ од Босна и Херцеговина, Фондација „Ќемал Стафа“ од Албанија, Форум на леви иницијативи од Босна и Херцеговина и Центар за модерни вештини од Србија, поддржани од шведскиот Олоф Палме интернационален Центар и Меѓународната фондација на Центар партијата.
Ново на Сител
-
Стручното образование ќе се крои по теркот на потребите на бизнисот
-
До понеделник ќе се знае дали има лекарски пропусти кај починатата родилка во Куманово и бебето на Детска
-
И Македонија и Србија бараат помош од ЕУ за справување со илегалната миграција
-
Ураганот Милтон ја погоди Флорида - 2 жртви и милиони без струја
-
Минчев: Да не се брза со Закон за правична застапеност, потребно е трајно решение
-
Коалицијата Вреди веќе има подготвено Закон за правична застапеност, се чека договор
-
Средба Тошковски - Дачиќ во Куманово
-
Министерката за финансии очекува до крајот на годината фирмите да можат да аплицираат