Меркел: Германија поддржува преговори со Северна Кореја
Германската канцеларка Ангела Меркел изјави дека веднаш би се согласила на преговори со Северна Кореја.
- Веднаш би рекла да, доколку не прашаат да им се придружиме на преговорите, истакна Меркел за германскиот неделник „Франкфуртер алгемајне сонтагсцајтунг“.
Таа се повика на моделот на преговори меѓу шесте светски сили со Иран од 2015 година.
- Можам да замислам таков формат за договор со Северна Кореја. Европа, посебно Германија би требало да биде подготвена да даде активен придонес, потенцира Меркел.
Канцеларката досега телефонски разговараше со лидерите на Франција, на САД, на Кина, на Јужна Кореја и на Јапонија за кризата со Северна Кореја, а утре предвидено е да разговара со претседателот на Русија.
Претходно, САД поднесоа предлог резолуција до Советот за безбедност на Обединети нации во која бараат нафтено ембарго за Северна Кореја, стопирање на нејзиниот извоз на текстил и замрзнување на банкарските сметки на севернокорејскиот лидер Ким Џонг-ун. Предлог резолуцијата веќе доби поддршка од Велика Британија и од Франција.
Се претпоставува дека Русија и Кина ќе гласаат „против“ предлог резолуцијата за воведување на дополнителни санкции кон Пјонгјанг.
Меркел истакна дека поддржува санкции како начин за отпочнување на преговори со Северна Кореја.
Ново на Сител
-
Канада најави царини за одредени американски производи
-
Бербок: Резултатите од преговорите на Украина и САД би можеле да бидат важна пресвртница за траен мир и безбедност
-
Тепачка помеѓу лекари во операциона сала во Штип
-
Сиљановска Давкова: Ќе ни значи многу договор за соработка со Азербејџан, очекувањата се големи
-
Совет на ЈО: Со вчерашниот оглас на Судски совет не се почитуваат проекциите за 8-та генерации на Академијата за судии и јавни обвинители
-
Поставен камен-темелник на македонско-грчкиот граничен премин „Маркова нога“
-
Разбиени две криминални групи во Грција за измами со гориво на бензински пумпи
-
Вкупно 827 казни за сообраќајни прекршоци во текот на вчерашниот ден