Меркел: Со Трамп имам добри работни односи
И покрај тензиите меѓу САД и Германија по изборот на Доналд Трамп за претседател, германската канцеларка Ангела Меркел ги оценува како добри односите кои што се однесуваат на професионалната соработка со шефот на американската држава.
- Претседателот Трам и јас развивме добри работни односи, кои не исклучуваат различни гледишта, изјави денеска Меркел за германската медиумска група РНД, пренесува дописникот на МИА од Берлин.
Според неа, за да се надминат проблемите во Сирија, Украина или Јемен, за да им се помогне на луѓето таму, потребно е силно вклучување на САД.
За време на изборната кампања лани, Трамп во неколку наврати ја обвини Меркел дека неодговорно дозволила влез на над еден милион бегалци и ја „руинирала“ Германија. По изборот за претседател, неговата администрација остро ја нападна Германија и ја обвини дека ја злоупотребува својата позиција во меѓународната трговија и работи само за своите економски интереси.
Во честитката за изборот на Трамп, Меркел му порача дека тој мора да ги почитува сите граѓани без разлика на потеклото, бојата на кожата, религија, полот, сексуалната ориентација или политички гледишта, што во Вашингтон беше дожиеавно како силна критика за новата администрација.
Невообичаениот однос меѓу Трамп и Меркел, продолжи и за време на нивната прва средба во март во Вашингтон, кога претседателот на САД одби да се ракува со гостинката пред медиумите.
Од март, двајцата лидери редовно зборуваат на телефон, а минатата недела гостинка на германската влада беше и неформалниот советник на Трамп, неговата ќерка Иванка.
Во нејзиното неделно обраќање до јавноста на интернет, Меркел денеска ги отфрли уште еднаш критиките од САД за германскиот трговски суфицит, објаснувајќи го овој тренд со зголемената побарувачка на германски производи во странство и инвестициите во домашната индустрија.
Ново на Сител
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат
-
Април годинава потопол од просечните многугодишни вредности