Мета: Пораките од Самитот во Словенија охрабрувачки
Денешните пораки од Самитот во Словенија се охрабрувачки. Економскиот инвестициски план и агендата за нови иновации треба максимално да се искористат за да закрепне економијата и да се спречи натамошната драматична депопулација на земјата, оценува во својата реакција на Фејсбук, албанскиот претседател Илир Мета.
– Европската перспектива на регионот се остварува преку кредибилни реформи, кои се засноваат на европските принципи и вредности на демократијата, перспективата на основните права и владеењето на правото. Благодарност за политичката поддршка и сеопфатната помош што Европската унија продолжува да ја дава на Албанија и целиот наш регион, како прв и природен економски партнер, останувајќи целосно усогласена со заедничката стратешка цел за проширување, стои во реакцијата на Мета.
Тој додава дека регионалната соработка треба да биде сеопфатна и фокусирана на спроведување на преземените обврски и оценува дека прекршувањето на овие обврски и парцелизирањето на регионот е „контрапродуктивно со многу повеќе бескорисни вештачки поделби и конфликти и е спротивно на европскиот пат на нашите земји“.
Како што јави дописничката на МИА од Тирана, друга порака од Мета е важноста од брз почеток на преговорите за членство со Албанија и Република Северна Македонија и визната либерализација за Косово, што е можно поскоро.
– Поздравувајќи го словенечкото претседавање со ЕУ и сите други земји – членки за одржувањето на овој специјален Самит за Западен Балкан, ја повторувам важноста од брз почеток на преговорите за членство со Албанија и Република Северна Македонија и визна либерализација за Косово, ветувања кои бараат итна имплементација, наведува Мета во реакцијата.
Ново на Сител
-
Дефицит на лекари специјалисти, хроничен проблем на македонското здравство
-
Во земјава нема национален регистар на лица со аутизам
-
Преглед на вестите од светот
-
Управниот суд одби 3 жалби на Европскиот фронт - вечерва одлучува по уште 4 жалби
-
Во Скопје почна одбележување 50 години од формирањето Француски институт во Македонија
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред