Мицкоски и Филипче на чекор до лидерска средба

Нема пречки за прва средба на лидерите на двете најголеми политички партии

Но, Филипче вели дека нема прецизен план и дека очекува него да го изгради заедно со останатите лидери. Вели, потребна е натпартиска стратегија во сите области чија реализација нема да зависи од тоа кој е на власт, а кој во опозиција.

Филипче очекува фокус на разговорите да бидат образованието, здравството, реформите во правосудството, департизацијата и животната средина. 

Во ВМРО-ДПМНЕ иницијативата на Филипче за лидерска средба веќе ја оценија како негов обид да се факторизира на политичката сцена откако на последните избори неговата партија забележа рекордно лоши резултати. Оттука останува неизвесно дали иницијативата на Филипче ќе резултира со лидерска или тет – а тет средба. 

Во коалицијата Вреди веќе оценија дека лидерска средба е губење време, додека ЗНАМ ќе чекаат официјална покана па ќе се изјаснат. ДУИ веќе се обидува да протурка анкетна комисија за Кочани, но СДСМ тоа нема да го поддржи. И двете партии остануваат на ставот дека истрагата се води селективно иако во СДСМ велат дека во оваа фаза даваа целосна поддршка за расветлување на околностите и утврдување на одговорноста за трагедијата.