Мицкоски: За оваа национална катастрофа оваа Влада не е решение, таа е проблемот

Мислам дека е логично тоа што го побарав затоа што ценам дека никогаш не било полошо во Македонија и цениме ние како партија дека дури и во една ваква лоша состојба не треба да се гледаат тесните партиски интереси туку треба да се подаде рака и да се помогне на тие кои очигледно во овој момент не може да се справат со реалнава ситуација односно со сите проблеми во Македонија, кажа во Дневникот на Сител претседателот на ВМРО-ДПМНЕ, Христијан Мицкоски.

- Се чудам како пред само сто дена истиот тој се фалеше како имал неколку секунден телефонски разговор со мене на емдиуми и највуваше наша средба, стотина дена по тоа истиот тој се плаши да излезе заедно со мене на лидерска средба и да разговараме за актуелната состојба и да договориме предвремени парламентарни избори, бидејќи за оваа национална катастрофа оваа Влада не е решението, таа е проблемот. И потоа, од центарот за комуникации на СДСМ ќе видите две различни дифузни соопштенија со две различни дифузни пораки а првата е дека одбиваат било каква средба на која ќе се разговара за преедвремени избори и второто соопштение е дека јас сум се плашел од Ковачевски. Еве јас не се плашам од Ковачевски сакам да одам на средба со него, да се погледнеме во четири очи и да разговараме за проблемите реални кои се во Македонија а тој одбива. И сега кој се плаши тука? Еве јас не се плашам да излезам на избори како лидер на ВМРО-ДПМНЕ, тој како премиер и претседател на СДСМ тој бега од предвремени избори. Тоа е начинот за кој можеме да кажеме дали некој се плаши или не се плаши,додава Мицкоски.