Мицотакис се сретна со претставници на ЕК за подобрување на железничката мрежа во Грција
По железничката несреќа кај Темпи минатата седмица со 57 загинати, грчкиот премиер Кирјакос Мицотакис одржал средба со претставници на Европската комисија надлежни за железничкиот сообраќај, објави грчката новинска агенција АНА-МПА.
Според истите информации, членовите на европската делегација на Мицотакис му ги претставиле нивните размислувања, кои ќе бидат формулирани во конкретни предлози за подобрување на работата на железничката мрежа, за безбедноста на транспортот, надградба на инфраструктурата и најдобро можно искористување на европските фондови за инвестиции во грчките железници.
Грчкиот премиер истакнал дека Грција, во рамките на целосно транспарентната истрага за трагедијата во Темпи, целосно ќе ја искористи експертизата и искуството на европските служби.
На средбата присуствувале надлежниот директор за копнен транспорт во Генералниот директорат за мобилност и транспорт на Европската комисија, извршниот директор на Европската организација за железници, претставничка на комесарот за транспорт, како и заменик- шефицата на делегацијата на ЕК во Грција.
Железничката несреќа и мерките за безбедноста во железничкиот сообраќај ќе бидат единствената тема на денешната владина седница што ја свика грчкиот премиер.
Ново на Сител
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово