Мигрантите од Пиреја и Елинико ќе бидат евакуирани до 20 јули

Мигрантите и бегалците од пристаниште Пиреја и поранешниот меѓународен аеродром во Елинико во јужниот дел на Атина, ќе бидат евакуирани до 20 јули. изјави грчкиот министер за поморска трговија Теодорос Дрицас.

Во Пиреја во моментов има 1.284 мигранти и бегалци, додека во Елинико се сместени 1.374 луѓе.

Дрицас прецизира дека брзината на евакуација ќе зависи од тоа колку брзо ќе се обезбедат „официјални засолништа подготвени за населување“.