Мишел: Го поддржувам „Отворен Балкан“, се надевам повеќе земји ќе се приклучат на иницијативата

Претседателот на Европскиот совет, Шарл Мишел на заедничката конференција со премиерот Еди Рама во Тирана рече дека го поддржува „Отворен Балкан“ и додаде дека колку повеќе земјите од Западен Балкан се обединуваат, толку се поголеми можностите за зајакнување на економиите.

„Во земјава постои нетрпение за ова прашање (почетокот на преговорите со ЕЈ), да се надмине оваа пречка и што поскоро да се започнат преговорите. Му реков на премиерот, ќе имаме последен состанок на француското претседателство за да се реши оваа ситуација. Од срце се надевам дека во претпоследната недела од јуни ќе го направиме ова. Позицијата на премиерот е сосема разумна во овој поглед. 

За “Отворен Балкан“, јас лично го поддржувам и посакувам сите да се приклучат на оваа иницијатива, колку повеќе се, толку поголеми ќе бидат можностите за зајакнување на економијата и приближување на Западен Балкан до ЕУ, со финансиски пакети.“, рече Мишел.