Младите вакцинирани Грци ќе добијат ваучер од 150 евра за патувања, одмор или забава

Грците на возраст од 18 до 25 години, кои веќе се вакцинирале или ќе се вакцинираат во текот на годинава ќе добијат ваучер „Freedom pass“ односно електронска припејд карта што ќе можат да ја користат за туристички или културни активности , јави дописничката на МИА од Атина.

Мерката ја соопшти грчкиот премиер Кирјакос Мицотакис, кој рече дека „дојде време државата да ги награди напорите на конкретната категорија граѓани“ и истакна дека конкретната електронска припејд карта ќе биде и мотив за вакцинација.

Со примање на првата доза од вакцината, младите од 18 до 25 години, преку интернет апликација ќе го добијат „Freedom pass“ со 150 евра, а изност ќе можат да го користат само за конкретните активности.