ММФ одобри кредит од 5,3 милијарди долари за Ирак

Меѓународниот монетарен фонд одобри кредитна линија од 5,3 милијарди долари за Ирак, земја - погодена од падот на цената на нафтата и од конфликтите со Исламска држава.

- Ирачките власти итно ќе добијат заем од 634 милиони долари и ќе треба да спроведат економски реформи за да ги добијат останатите транши од тригодишниот план, се посочува во соопштението на ММФ.

ИД контролира дел од ирачката територија и презеде одговорност за низа напади, вклучително и за нападот во неделата во Багдад, при што загинаа приближно 300 луѓе.

Во јули 2015 година ММФ одобри заем од 1,2 милијарди долари за стабилизирање на јавните финансии на Ирак.