„МОДОАРС 2016“: Концерт на млади пијанистки

Во рамки на 9. Фестивал за современа музика „МОДОАРС 2016“ синоќа во салата „Бели мугри“ во Велес концерт одржаа младите пијанистки Карла Биков, Елена Ефремова и Фросина Трајковска, студентки  на Музичката академија при Штипскиот универзитет, во класата на проф д-р Ема Потевска Попивода.

 

Се претставија со повеќе дела од  класичната музика: Етида од Рахмањинов, Соната оп. 14 бр. 1 од Бетовен,со Прелудиум од Гершвин, Етида од Франц Лист, Фантастичните пиеси оп.111 бр 1 и 3 од Шуман, Словенски танец оп.72 бр. 2 од Антони Дворжак, Унгарски танец бр.4  во ф-молл од Јоханес Брамс и 2 пиеси од Џорџ Гершвин.

 

Задоволни се од својата изведба и од, како што изјавија, одличниот прием кај велешката публика.

 

- Целта на овие концерти е претставување на младите уметници и популаризирање на класичната музика меѓу граѓаните, посебно пред младата публика, рече Биков.

 

За разлика од Штип каде што го имаа својот прв заедничи концерт, на Карла и Елена, на овој втор заеднички концерт во Велес им се придружи и нивната колешка, пијанистката Фросина Трајковска од Велес, која исто така студира на Музичката академија во Штип. По Штип и Велес, во рамки на „МОДОАРС 2016“, ќе имаат концерт и во Скопје.

 

Младите уметници најавија дека овие јавни настапи се  воедно и нивна подготовка за меѓународниот натпревар по пијано во Сан Дона ди Пијаво, Венеција.