Морисон за поништувањето на австралиската виза на Ѓоковиќ
Австралискиот премиер Скот Морисон ја поврза одлуката за визата на Новак Ѓоковиќ со „силните политики за заштита на границите“ на Австралија кои ги „чуваа Австралијците безбедни“ за време на пандемијата.
– Разбирам дека по внимателно разгледување, преземени се активности од страна на министерот за имиграција за укинување на визата на господин Ѓоковиќ поради здравствени причини и со цел одржување на редот, врз основа на тоа дека тоа било во јавен интерес, рече Морисон.
Тој додаде дека „пандемијата беше неверојатно тешка за секој Австралиец, но ние останавме заедно и спасивме животи“.
– Австралијците направија многу жртви за време на оваа пандемија и со право очекуваат дека резултатот од тие жртви ќе биде заштитен, рече Морисон и додаде дека земјата постигнала една од најниските стапки на смртност, остана една од најсилните економии и е меѓу земјите со највисока стапка на вакцинација во светот.
– Нашите силни политики за заштита на границите ги одржаа Австралијците безбедни, пред Ковид и сега за време на пандемијата. Поради очекуваните тековни правни постапки, нема да давам дополнителни коментари, заклучи Морисон.
Австралискиот министер за имиграција Алекс Хок денеска го искористи неговото овластување согласно Законот за имиграција и ја поништи визата на српскиот тенисер.
Ново на Сител
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“
-
Столтенберг: Украина и натаму може да ја добие војната против Русија
-
Најстудено во Лазарополе, најтопло во Дојран
-
Течат роковите за приговори до ДИК, партиите продолжуваат со изборните активности
-
ЦУК: 1.694 повици на 112 во последното деноноќие