„Мосак Фонсека“ соопшти дека е жртва на внатрешен хакерски напад
Панамскиот адвокат Рамон Фонсека, од чија адвокатска фирма „Мосак Фонсека“ се разоткриени 11,5 милиони документи за перење пари и затајување данок од страна на богати и влијателни луѓе ширум светот, соопшти дека компанијата била жртва на внатрешен хакерски напад, додавајќи дека поднел тужба до обвинителството.
- „Мосак Фонсека“ е фирма специјализирана во создавање на офшор компании и таа не ги прекршувала законите, туку сите нејзини делувања се легални. Фирмата никогаш не уништувала никакви документи, ниту му помагала некому да прикрива финансиски средства, да не плаќа даноци или да пере пари, изјави Рамон Фонсека, еден од коосновачите на адвокатската фирма.
Панамскиот адвокат истакна дека електронски пошти на фирмата, од кои дел беа објавени во истражувањето на Меѓународниот конзорциум на истражувачките новинари и на други медиуми, биле извадени од контекст и погрешно толкувани.
Случајот „Панамски документи“ предизвика огорченост во цел свет со откривањето на начините како богатите и познати личности можат да прикриваат пари и да вршат даночни измами, додека огромен број луѓе се соочуваат со строги мерки и казни.
Ново на Сител
-
Честитка од претседателката Сиљановска Давкова по повод муслиманскиот празник Курбан Бајрам
-
Приведен крадец баран по централна потерница
-
Најниска температура утрово во Лазарополе, во Дојран измерени 18 степени
-
Израел започнува дневни „тактички паузи“ во јужна Газа за да овозможи проток на помош
-
Европскиот парламент остана без пратеници Роми
-
Зеленски: Украина ќе и претстави конкретни мерки на Русија на вториот мировен самит
-
Посебен сообраќаен режим во општина Илинден поради велосипедска трка
-
Алтернатива: Орхан Муртезани е кандидат за министер за европски прашања