МРТ се огласи за Стоилов: Тоа е личен став на новинарот, најавена е и санкција!

Имено, Адеми не го изговараше името на Стојанче Стоилов, туку нашиот репрезентативец го нарекуваше „играчот со број 5“, а поради таквиот потег од страна на раководните луѓе на МРТ најавена е и санкција за самиот новинар, доколку се утврди дека ги прекршил внатрешните правилници и кодекси на однесување на јавниот сервис.

 

„МРТ е јавно претпријатие со единствен систем на управување. Согласно тоа, сакаме да ја известиме јавноста дека ќе се преземат сите законски мерки за санкционирање на однесувањето на некои наши вработени доколку се утврди прекршување на Етичкиот кодекс на МРТ, внатрешните правилници и законите во Република Македонија. За среќа, сѐ уште живееме во држава во која МРТ е едно јавно претпријатие кое ги обединува сите програмски сервиси. Напоменуваме дека сите изјави на вработени на МРТ се нивен личен став, а не став на МРТ како јавен сервис. Нагласуваме дека уредниците на програмските сервиси имаат целосна слобода и автономија во уредувачката политика, но таа секако треба да биде согласно законите и етичките и професионални стандарди. Јавноста набргу ќе биде известена за преземените мерки од овој инцидент. Исто така, апелираме да не се злоупотребува името на МРТ бидејќи во овој случај точно е лоцирана индивидуалната одговорност. Да и посакаме успех на нашата ракометна репрезентација и да се обединиме во нејзините успеси“, велат од националната ТВ-куќа.