Муижниекс: ЕУ мора да ја промени политиката кон бегалците
Европската политика кон бегалците е неодржлива и Европската Унија би требало брзо да ја промени, изјави комесарот за човекови права на Советот на Европе, Нилс Муижниекс.
Тој смета дека земјите членки на ЕУ треба да ги имаат предвид и семејните врски кога ги преместуваат барателите на азил и да го прилагодат системот за помошта која им се пружа.
Даблински прописи дозволуваат членките на ЕУ да ги вратат бегалците во првата безбедна земја во која влегле, а тоа се најчесто се Грција или Италија.
- Системот е неправеден кон земјите што се први на удар, посебно Грција и Италија. На нивниот грб се става се понеиздржлив товар и мислам дека тоа нема да може да функционира долгорочно, изјави Муижниекс пред новинарите при својата посета на Словенија.
Тој нагласи дека повеќето бегалци бараат азил во Германија или Шведска оти таму тие можат да добијат поголема помош и финансиска поддршка отколку во повеќето други држави од ЕУ.
- Потребно е да се прилагодат стандардите ширум Европа, заради интеграцијата на тие лица, рече Муижниекс.
Комесарот натаму укажа и дека Словенија би требало да направи повеќе, за мигрантите, но и припадниците на ромската етничка заедница и сите луѓе кои живеат во сиромаштија, со цел да се интегрираат во општеството.
Ново на Сител
-
Посебен режим на сообраќај во Скопје
-
САД од утре со 104 отсто царини на увозот од Кина
-
Ја продолжувам работата на Цепенков и Мисирков | Томче Јосимовски | ПРОфесија | Sitel Podcast 089
-
Бројот на жртви по уривањето на покрив во ноќен клуб во Доминиканската Република се искачи на 27
-
Грир: Царините утре стапуваат во сила, паралелно со преговори со некои земји
-
Трамп најави можен договор со Јужна Кореја и чека Кина да се јави
-
Пад на руските приходи од нафта и гас
-
Американските берзи го отворија денот со раст