МВР со детали за несреќата во Ченто каде „голф“ се заби во автобус „65-ка“

На 10.01.2022 во 17.35 часот било пријавено дека во Скопје, на ул.„Методија Андонов Ченто“, се случила сообраќајна несреќа помеѓу автобус на ЈСП, управуван од С.С.(60) од Скопје и патничко возило „фолксваген голф“, со скопски регистарски ознаки, управувано од С.О.(39) од Скопје.

Од МВР информираат дека на местото на несреќата починал С.О., а возачот на автобусот и уште пет патници се здобиле со телесни повреди, констатирани во Комплексот клиники „Мајка Тереза“ и Градската општа болница „Св.Наум Охридски“.

Извршен бил увид од Јавен обвинител и увидна екипа од СВР Скопје.