На Шри Ланка откриен најголемиот сафир во светот, тежок 310 килограми
– Властите во Шри Ланка денеска го прикажаа, како што наведуваат, најголемиот природен син сафир во светот, тежок 310 килограми, кој бил пронајден во јама за скапоцени камења пред околу три месеци.
Локалните експерти кои го испитувале сафирот велат дека тој е еден од најретките скапоцени камења во светот бидејќи тежи повеќе од 300 килограми, што меѓународните организации допрва треба да потврдат.
Сафирот е изложен во куќата на еден од сопствениците на јама за ископување скапоцени камења во градот Хорана, 65 километри јужно од главниот град Коломбо.
Скапоцениот камен е пронајден во областа Ратнапура, која е богата со скапоцени камења, каде локалното население претходно случајно пронашло најголема концентрација на таканаречени „ѕвездени сафири“ во еден двор.
Ратнапура е позната како престолнина на скапоцени камења на Шри Ланка, која е најголем извозник на сафири и други скапоцени камења.
Земјата минатата година заработила околу половина милијарда долари од извоз на скапоцени камења, дијаманти и друг накит, соопшти локалното тело за индустрија на скапоцени камења и накит.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд