Над 90 илјади мигранти пристигнале во Европа преку Средоземното Море од почетокот на годината

Над 90 илјади мигранти пристигнале во Европа преку Средоземното Море од почетокот на годината, соопшти денеска Меѓународната организација за миграција, јави ТАСС.

Вкупно 90.756 мигранти и бегалци пристигнале во Европа преку Средоземното Море од почетокот на годината.

Големо мнозинство од нив, 83.591 лица пристигнале во Грција. На второ место е Италија со 7.156 мигранти.

Според податоците на Организацијата 411 лица загинаа во обид да стигнат во Европа преку Средоземното Море од почетокот на годината, при шти 321 од нив починале на пат за Грција, а 90 на пат за Италија.