Над Киев соборени 18 руски беспилотни летала, тврдат украински воени претставници

„Сите откриени воздушни цели беа уништени од нашата противвоздушна одбрана“, напиша денеска шефот на воената управа на Киев, Сергеј Попко во објава на Телеграм.

 

По напад со дрон избил и пожар во станбена зграда, но нема жртви.

Експлозиите го потресоа и градот Чернихив, североисточно од Киев.

Неколку експлозии се пријавени во пристанишниот град Мариупол во Азовското Море, кој беше окупиран од Русија. Руските медиуми јавија дека експлозии имало и на аеродромот во градот.