Најмалку 16 загинати кога камион се „втурна“ во верска процесија во Мексико

Најмалку 16 лица загинаа, а 30 други се повредени кога голем камион се „втурнал“ меѓу учесниците на една верска процесија во мексиканската сојузна држава Закатекас.

Тешкиот инцидент се случил на главната улица во градот Мазапил, североисточно од главниот град Мексико Сити, за време на процесијата во која имало најмалку 200 луѓе.

Според наодите на локалната полиција, тешкото возило во кое се пренесувал градежен материјал, наеднаш и без контрола тргнало низ улицата.

Полицијата започна истрага за инцидентот, но првите наоди укажуваат дека откажеле сопирачките на камионот.

Локалните медиуми тврдат дека веднаш по несреќата што ја предизвикал, возачот го оставил возилото и побегнал во непознат правец.