Најмалку 29 цивили загинаа во воздушен напад во северна Сирија

Најмалку 29 цивили, вклучително и деца, загинаа денеска во воздушен напад на пазар во бунтовничко упориште Атареб, што се наоѓа во една од „зоните на деескалација“ во северна Сирија, информира Сирискиот центар за мониторинг на човековите права.

Според Центарот, чие седиште е во Лондон, засега се уште не е познато дали нападот го извршиле авиони на сириските владини сили или нивните руски сојузници.

Во соопштението се додава дека меѓу загинатите има и пет деца.