Најмалку 50 луѓе починале од последици од зимата во Бангладеш

Најмалку 50 луѓе починале од последици од зимата во Бангладеш, додека ладниот бран и понатаму трае низ целата земја, соопштија денеска медицински извори.

Студениот бран почна на први декември и ја зафати целата земја.

Болниците се преполни со луѓе со заболувања предизвикани од долготраен студ, како што се грип, дехидрираност и пневмонија, информира владината претставничка за здравство Ајеша Ахтер.

Најтешко се погодени сиромашните, како и децата и старите лица, додаде таа.

Метеоролозите соопштија дека студеното време, невообичаено за земјата, ќе трае уште неколку дена.