Најмалку две жртви во судир на два мали авиони во САД
По судирот во лет на два мали авиони во американската сојузна држава Ајдахо, две тела се извлечени од езерото над кое се случила несреќата, а се стравува дека во несреќата загинале уште шест лица, јавија американските медиуми.
Кабинетот на шерифот на округот Кутенај, соопшти дека во авионите имало осум лица, меѓу кои и деца.
Во моментот се верува дека нема преживеани, се наведува во соопштението и се додава дека делови од авионот, од кои едниот бил Цесна, а другиот Хавиленд, потонале на длабочина од 38 метри, што било утврдено со сонда.
Локалните медиуми пишуваат дека истрагата ја води Федералната управа за воздушен сообраќај.
Според локалните медиуми, канцеларијата на шерифот немала соодветна опрема да реагира итно, имајќи предвид дека делови од авионот завршиле на дното на езерото.
Според очевидци, моторот на еден од авионите се запалил пред несреќата.
Ново на Сител
-
Претседателката Сиљановска Давкова ќе ги прими поглаварите и претставниците на верските заедници
-
Најмногу дожд наврнал во Крива Паланка, најстудено утрово во Крушево
-
Неексплодирани убојни средства од Првата светска војна пронајдени во прилепскиот регион
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација